aiaraldea.eus

Youtuber izan nahi duten gazte bilbotarrentzako lehiaketa antolatu dute

Erabiltzailearen aurpegia Azkue Fundazioa   Kultura  Aiaraldea  Aiaraldea: Euskal Herria

Azkue Fundazioak eta Bilboko udalak elkarlanean antolatu dute 13 eta 16 urte bitarteko bilbotarrentzako lehiaketa, euskal youtuberrak sortzeko asmoarekin. Btuber lehiaketan parte hartzeko, minutu bat eta bost minutu artean irauten duen bideo bat bidali beharko da info@azkuefundazioa.org helbidera, ekainaren 15etik 30era bitartean, .mov edo .mp4 formatuan. Youtuben pribatuan igotako lanak ere lehiaketan parte hartzeko aukera izango dute.

Gaia guztiz librea izango da eta baita grabatzeko erabilitako teknika ere. Gazteek nahi dutena azaltzeko aukera izango dute, eta nahi beste bideo bidali ahalko dira. Hala ere, baztertu egingo dira bideoak ondorengo kasuetan: giza eskubideen urraketa, bortizkeria, irainak, arrazakeria, sexismoa edota errespetu faltak adierazten duten lanak.

Horretaz gain, aurkezten diren bideoek aurten grabatuak, originalak eta argitaratu gabeak izan behar dute. Eta ez da onartuko aurrez beste lehiaketaren batean aurkeztutako lanik. Era berean, bideoak hizkuntz edukiren bat izatekotan (ahotsa, musika, elementu grafikoak...), honek euskarazkoa behar du izan.

Saria
Btuber lehiaketako irabazleak youtuber ekipo profesionala lortuko du.

Oinarriak

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa