Aldundiak lanak egingo ditu Okondoko eta Menagaraiko zeharbideetan abiadura murrizteko

Aimar Gutierrez Bidarte 2018ko uztailaren 3a

Istripuak murriztea izango da obren xedea. / Aiaraldea.eus

Errepideko segurtasuna hobetzeko lanak egingo ditu Arabako Foru Aldundiak tokiko erakundeen eskaerei erantzunez. Okondon eta Aiaran hasiko dituzte obrak urte honetan bertan.

Orotara, 650.000 euro inbertituko ditu Arabako Foru Aldundiak Arabako errepideetako segurtasuna hobetzeko. Inbertsio horien lehenengo lanak Okondon eta Menagarain egingo dira. Gaur bertan onartu da inbertsio plana Foru Gobernu Kontseiluan.

Abiadura murrizteko hainbat lan egingo dituzte Okondo eta Menagaraiko zeharbideetan. Bi herri horietako tokiko erakundeak izan dira, hain zuzen ere, Foru Aldundiari esku hartzeko eskatu diotenak.

Lanak aurten hasi eta 2019an bukatuko dituzte. Izan ere, zazpi hilabeteko epea aurreikusten dute inbertsioa gauzatzeko. Eginkizunen artean, seinalizazio bertikala zein horizontala indartuko dituzte ibilgailuen abiadura moteltzeko, zeharkako bandak jarriz, besteak beste.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide