Aiaraldeko zazpi establezimendu diruz lagunduko ditu Aldundiak, “modernizatzen eta teknologia berriak sartzen laguntzeko”

Txabi Alvarado Bañares 2018ko abuztuaren 22a
Deskargatu Info Ahotsak :

Cristina González diputatua, Laudioko saltoki batean. / Arabako Foru Aldundia

61.000 euro banatuko dituzte guztira Arabako 17 establezimenduren artean.

Merkatariei modernizatzen eta sektorean teknologia berriak sartzen laguntzeko programa abiatu du Aldundiak. 61.000 euro bideratuko ditu erakundeak lurraldeko 17 saltokitara. Establezimendu horietako 7 Aiaraldekoak dira. Beste 3 Gasteizen daude, bina Arrabar Errioxan eta Lautadan eta bat Añanan. 

“Programak aukera emango du haien establezimenduak modernizatzeko, kudeaketako tresna berriak sartzeko eta teknologia berriak erabiltzeko dauzkaten ekipo eta sareak hobetzeko”, azaldu du Cristina González Enplegu, Merkataritza eta Turismo Saileko diputatuak. Saltoki bakoitzak 25.000 euroko laguntza jasoko du gehien jota, abian jarri nahi dituzten inbertsio teknologikoen %40 erakunde publikoaren gain hartzeko.

Ekonomia
Erlazionatuak
Prentsa-oharra, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide