aiaraldea.eus

Aiarako Kuadrillak 1.500 euroko publizitate lehiaketa abiatu du

Erabiltzailearen aurpegia Aitor Aspuru Saez   Ekonomia  Aiaraldea

Proiektuek sustatu beharko dituzte txakolindegietara bisitak, eskualdeko azokak eta merkatuak edota kirol jarduerak.

Aiarako Kuadrillak 1.500 euroko publizitate lehiaketa abiatu du
Eskualdera turistak erakartzea da erronkaren asmoa. | Ikusi handiago | Argazki originala

Aiarako Kuadrillak publizitaterako ideien lehiaketa bultzatu du. Saria 1.500 eurokoa da eta bereziki bideratu dute marketing edota diseinuan adituak diren gazteek parte har dezaten.

15 plaza daude, eta banaka edo taldeka eman daiteke izena. Hiru edo bost laguneko taldeak osatu beharko dira eta enkargua egingo diete eskualdeko turismo baliabide bat jakinarazteko. Publizitate kanpaina asmatu horrekin,  Aiaraldekoa ez den jendea erakartzea izango da asmoa.

Lau ostiraletan izango da erronka; 16:00etatik 20:00ak arte: urriaren 5ean, 19an eta 26an eta azaroaren 9an, hain zuzen.

Izena emateko hemen klikatu daiteke, edota 945 399 122 eta 945 891 721 telefonoetara deitu.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa