Ekintzak antolatzeko diru-laguntzak emango ditu Aiarako Kuadrillak

Erredakzioa 2018ko irailaren 21a
Deskargatu Info Ahotsak :

Udaletako iragarki-tauletan ere kontsultatu ahalko da deialdiaren gaineko informazioa. / Aiaraldea.eus

Azaroaren 12a izango da eskaera aurkezteko azken eguna. Kuadrillaren webgunean topatu daiteke deialdiaren gaineko informazio guztia.

Diru-laguntzak emango ditu Aiarako Kuadrillak,  “eskualdearentzat interesgarriak diren jarduerak eta programak antolatzeko, garatzeko eta gauzatzeko”.

Ireki dute dagoeneko eskaerak aurkezteko epea. Laudio, Amurrio, Aiara, Artziniega edo Okondo gauzatu beharko dira diruz lagundutako ekintza horiek. “Lurralde horretatik kanpo egiten badira, xede gisa izan behar dute Kuadrillaren eskualde-mailako interesa edo Kuadrilla bera sustatzea”, adierazi du  Maider Basterra Ibarretxek.

Kuadrillako presidenteak adierazi du tokiko erakundearen webgunean edo 945 399 122 telefonora deituta eskuratu daitekeela deialdiaren gaineko informazioa. “Horrez gain, udaletako iragarki-tauletan ere kontsultatu daiteke, bertan baitaude laguntzak arautzen dituzten oinarriak”.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide