Asteburu honetan piztuko dira hainbat herritako jaiak

Erredakzioa 2018ko ira. 27a, 08:48

Hainbat jaietako suziriak piztuko dituzte asteburuan. / Aiaraldea.eus

Menagarai eta Beotegi, Beraza, Opellora, Lekamaña eta Bañuetako jaiak ospatuko dira asteburuan.

Uda amaitu berri den arren, aurrera darrai eskualdeko herrietako jaien maratoiak. Atzo hasi ziren Menagarai eta Beotegiko jaiak, baina larunbata izango da egun nagusia. Datorren asteburuan izango dira baita ere Orozkoko Beraza auzoko jaiak. Egitarau oparoa prestatu dute jai batzordeko kideek. Txerri Swing taldeak joko du ostiralean, eta Hilean Bariku Bat eta Joselu Anayak, aldiz, larunbatean. Herri bazkaria, mus txapelketa, umeentzako tailerrak eta paella lehiaketa ere egongo dira, besteak beste.

Opellora, Lekamaña, Bañueta...
Larunbat honetan ospatuko dira baita Opellorako jaiak ere. Meza, luntxa eta trikiti emanaldia egongo dira herrian. Askoz oparoagoa izango da Bañuetako Jaien egitaraua: mitologia irteera, duatloia, Ibizan oinarritutako jai tematikoa eta beste hainbat ekintza egongo dira larunbatean. Larunbat eta igandean izango dira baita Lekamañako jaiak ere. Haurrentzako jolas eta tailerrak, odolki jana eta tortilla txapelketa egongo dira, besteak beste.

Urriaren 5etik 7ra, aldiz, Okondoko Irabien auzoko festak ospatuko dituzte.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide