Eta zuk, nola irudikatzen duzu Aiaraldea hedabidea?

Erredakzioa 2018ko urriaren 13a
Deskargatu Info Ahotsak :

Aiaraldea Kooperatiba Elkartearen parte da Aiaraldea hedabidea. / Jon Catalan

Aiaraldea hedabideak galdetegia osatu du proiektu komunikatiboaren gaineko iritzi eta ekarpenak jasotzeko. Hemen erantzun daiteke. Partaideen artean 2 lagunentzat afaria zozketatuko da.

Gogoeta fase batean murgilduta dago Aiaraldea hedabidea. "Komunikabidean jauzia eman nahi dugu, kalitate, formatu, interes eta erakargarritasun aldetik", adierazi du Izar Mendiguren Cosgaya zuzendariak, "informaziotik haragoko eskaintza zabaldu eta aktualitatetik harago bestelako gai eta dinamikei heltzea dugu helburu". Horretarako, baina, irakurleen iritziak bildu nahi dituzte, “komunitatearen behar eta interesak ezagutu eta eskualdea euskaraz saretzen jarraitzeko”.

Gauzak hala, galdetegi bat prestatu dute, herritarren iritzi eta ekarpenak jasotzeko. Hemen erantzun daiteke. 10 galdera azkarren bidez edukien interesgarritasun eta erakargarritasun azterketa egingo dute. Erabiltzaileen ekarpena eskertzeko, Amurrioko Nagusi tabernan 2 lagunentzat afaria zozketatuko dute inkesta  betetzen dutenen artean. 

Komunikazioa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide