Himalayan daude "Oxigenoa euskari 6000 metroan ere" espedizioko 3 aiaraldearrak

Izar Mendiguren Cosgaya 2018ko urriaren 17a

Eskualdeko hiru gazte daude espedizioan parte hartzen. / Aiaraldea.eus

Lehen zazpi egunak igaro dituzte "Oxigenoa euskarari 6000 metroan ere" espedizioko kideek. Aurreneko egunetako bideoa plazaratu dute.

Urriaren 10ean abiatu ziren Euskal Herriko gazteak Himalayarantz. Sare sozialetan eman zuten hasieraren berri. Azaroaren 3ra arte egongo dira zeharkaldian.

Besteak beste, 6.000 metroko bi mendi eskalatuko dituzte: Island Peak (6.187) eta Lobuje Peak (6.119). Horrez gain, 5.000 metroko beste hainbat gailur igaroko dituzte; eta Everest, Lhotse, Makalu eta Cho Oyu zortzimilakoak inguratu.

Bidaia gauzatzeko diru bilketa egin dute: "Mila esker crowdfunding-ean parte hartu eta partekatu duten guztiei! Zuei esker 5059euro bildu ditugu!", adierazi dute. Taldeko kide dira Laudio eta Orozkoko hiru gazte: Jon Fonbellida, Iker Zubizarreta eta Besaide Astobiza. Aurreneko eguneko zenbait irudi bildu dituzte bideoan:

Kirola

Erlazionatuak

"Bi herriren arteko zubiak eraikitzera goaz Himalayara"

Aimar Gutierrez Bidarte 2018 api 05 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide