Bilera informatiboa eskainiko du irabazi asmorik gabeko Goiener kooperatibak gaur -urriak 26- Arrankudiagan. Energia berriztagarria sortu eta kontsumitzearen inguruan mintzatuko dira bertan. 19:30ean izango da zita, Gizarte Etxean.
“Energia burujabetza berreskuratzea” da Goienerren helburua. Energiaren sorkuntza eta komertzializazioan dihardute, energiaren garraioa eta banaketa Espainiako Sare Elektrikoaren eta enpresa handien esku baitago.
Orain Amurrioren mahai-ingurua
Goienerrek presentzia handia izango du gaur eskualdean, Amurrion egingo den mahai-inguru batean ere hartuko baitute parte kooperatibako kideek. Trantsizio energetikoa eta udalgintza izango dituzte hizpide Katekesi aretoan, Orain Amurriok antolatutako jardunaldietan. 17:30ean tailerra egingo dute, “politika energetiko lokala aldaketa esparru bezala” landuaz. Izaro Basurkok gidatuko du dinamika. Tradenerreko kidea da bera, trantsizio energetikoa eta demokrazia lantzen dituen taldea.
19:15ean, aldiz, solasaldia egingo dute. Bertan parte hartuko du Goienerreko teknikaria den Susana Canterok, Xabier Zubialde Legarreta ingeniariarekin eta Alba del Campo kazetari eta aktibistarekin batera.
Energia burujabetza izango dute hizpide Arrankudiagan eta Amurrion, gaur
Bilera informatiboa egingo du Goiener kooperatibak Arrankudiagako Gizarte Etxean. Orain Amurriok, aldiz, trantsizio energetikoa eta udalgintza ardatz izango dituen jardunaldiak antolatuko ditu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide