Bigarren sei milakoa igo dute aiaraldearrek Himalaiako zeharkaldian: Lobuje Ri (6.119 metro)

Aimar Gutierrez Bidarte 2018ko urriaren 30a

“Oxigenoa Euskarari 6000 metrotan ere” espedizioko kideek bigarren sei milakoa igo zuten iragan larunbatean: Lobuje Ri mendia, euskararen eta xerperaren arteko zubigintza ardatz.

Amaierara iristen ari da Besaide Astobiza, Jon Fonbellida eta Iker Zubizarreta aiaraldearrak lotu dituen “Oxigenoa Euskarari 6000 metrotan ere” espedizioa.

Aurreko astean Imja Tse (6.189 metro) mendia igo ostean, bidaiako bigarren sei milakoa eskalatzea lortu zuten iragan larunbatean, Lobuje Ri (6.119 metro).

Eguraldia lagun, 20 kide inguruk lortu zuten gailurrera igotzea. Ostean Tagnag herrirako bidea hartu zuten. Aurki izango dira Euskal Herrian bueltan; azaroaren 8an, zehazki.

Beste gailur batzuk ere igo dituzte espedizioan, Imja Tse menditik igaro ostean Kala Pattar (5.545 metro) mendira jo zuten, esaterako.

Euskal Herriko eta Xerpa herriko gazteak elkartu ditu espedizioak bi herrien arteko harremanak estutzeko, xerpera ere hizkuntza gutxitua baita.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide