Virgen Niña Ikastetxean bakarrik izaten ari da nabaria Kristau Eskolako greba

Aitor Aspuru Saez 2018ko azaroaren 27a

Virgen Niña Ikastetxeko langileen %54ak egin du bat grebarekin. / Aiaraldea.eus

Gaurtik ostiralera arte greba deitu dute Steilas, ELA, LAB, UGT eta CCOO sindikatuek Kristau Eskolako ikastetxeetan. Eskualdean eragina Amurrioko Virgen Niña Ikastetxean bakarrik da bistakoa. Izan ere, Antzinako Andra Mari Ikastetxean eta La Milagrosan jarraipena oso urria da.

Gaur abiatu dute 4 eguneko greba EAEn Kristau Eskolako ikastetxeetan. Hedabideen arabera, jarraipena handia izaten ari da orokorrean, baina ez Aiaraldean. Berez, Amurrioko Virgen Niñako langileek bakarrik jo dute modu jendetsuan lanuzteetara. Zehazki, %54a ez da joan beharrera.

Laudioko La Milagrosan inor ez da protestara batu eta Urduñako Antzinako Andra Marin, ordea, 2 langilek bat egin dute sindikatuen deialdiarekin.

Virgen Niñako ordezkari batek ziurtatu du gaurko manifestazioan jende pilok parte hartu duela, aurrekoetan baino gehiagok, baina Aiaraldean ez duela islarik izan ekimenak. Aldi berean, azpimarratu du mobilizazioa ez dela ikastetxeetako zuzendaritzen aurka, baizik eta Kristau Eskolako patronalaren kontra.

Grebalariek exijitu dute lan hitzarmena berritzea, 2009. urtetik ez baita eguneratu. Horrez gain, soldata igoerak aldarrikatu dituzte, lan karga murriztea eta jaiotzen beherakadaren ondorioz lanpostu barik geratu direnei bestelako tokia bilatzea.

Hezkuntza

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide