aiaraldea.eus

Virgen Niña Ikastetxean bakarrik izaten ari da nabaria Kristau Eskolako greba

Erabiltzailearen aurpegia Aitor Aspuru Saez   Hezkuntza  Aiaraldea

Gaurtik ostiralera arte greba deitu dute Steilas, ELA, LAB, UGT eta CCOO sindikatuek Kristau Eskolako ikastetxeetan. Eskualdean eragina Amurrioko Virgen Niña Ikastetxean bakarrik da bistakoa. Izan ere, Antzinako Andra Mari Ikastetxean eta La Milagrosan jarraipena oso urria da.

Virgen Niña Ikastetxean bakarrik izaten ari da nabaria Kristau Eskolako greba
Virgen Niña Ikastetxeko langileen %54ak egin du bat grebarekin. / Aiaraldea.eus | Ikusi handiago | Argazki originala

Gaur abiatu dute 4 eguneko greba EAEn Kristau Eskolako ikastetxeetan. Hedabideen arabera, jarraipena handia izaten ari da orokorrean, baina ez Aiaraldean. Berez, Amurrioko Virgen Niñako langileek bakarrik jo dute modu jendetsuan lanuzteetara. Zehazki, %54a ez da joan beharrera.

Laudioko La Milagrosan inor ez da protestara batu eta Urduñako Antzinako Andra Marin, ordea, 2 langilek bat egin dute sindikatuen deialdiarekin.

Virgen Niñako ordezkari batek ziurtatu du gaurko manifestazioan jende pilok parte hartu duela, aurrekoetan baino gehiagok, baina Aiaraldean ez duela islarik izan ekimenak. Aldi berean, azpimarratu du mobilizazioa ez dela ikastetxeetako zuzendaritzen aurka, baizik eta Kristau Eskolako patronalaren kontra.

Grebalariek exijitu dute lan hitzarmena berritzea, 2009. urtetik ez baita eguneratu. Horrez gain, soldata igoerak aldarrikatu dituzte, lan karga murriztea eta jaiotzen beherakadaren ondorioz lanpostu barik geratu direnei bestelako tokia bilatzea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa