Idoia Jimenez Ibarra txistulariak hartu du parte Fermin Muguruzak sortutako Korrikako kantan

Fermin Muguruzak sortu du 21. Korrikako abestia. Bilbon egin dute aurkezpena, bertan grabatu baitute bideoklipa. 

Asier Amondo Korrikako arduradunak aurkeztu du, besteak beste, Garesetik Gasteizera Euskal Herria zeharkatuko duen ekimenaren kanta: "Abestia partaideekin batera aurkeztu dugu. Fermin Muguruza izan da abestiaren eta bideokliparen zuzendari artistikoa". Urtarrilaren 9an emango dituzte ibilbideari buruzko xehetasunak. Guztira, 100 lagunek hartu dute parte lanean, Amondoren hitzetan. "Trap, dancehall eta hip-hop doinuak eta euskal tradiziokoak nahasten dira abestian, Fermin Muguruzak ohikoa duen estiloan. Garestik Gasteizko bidea girotzeko kantu ezin hobea da, beraz, indartsua eta berritzailea", erantsi du.

Idoia Jimenez Ibarra txistulari laudioarrak eman dio kutsu tradizionala soinu bandari: "Esperientzia benetan polita izan da. Bertara heldu nintzenean urduri nengoen: ez nekien zer egin, baina zuzendariak (Fermin Muguruzak) ongi azaldu zidan zein zen kliparen helburua eta pare bat aldiz egin ondoren primeran atera zen. Lagun artean bezala sentitu nintzen". 

Ainhize Solaun Mendiguren dantzari amurrioarra ere aritu da figurante, eta pozik azaldu da emaitzarekin: "Oso esperientzia polita izan da, ez dut inoiz horrelakorik egin eta". Amurrio Antzokiko 10.urteurrenean  aritu zen bakarka dantzan: "Toma asko grabatu behar dira, askotan errepikatu behar da berdina. Jende ospetsuarekin aritzeak beti pizten du ilusioa. Abestia ezberdina da, baina oso polita".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide