Durangoko Azokara autobusean joateko autobusa antolatu dute ostiralean udalek

Izar Mendiguren Cosgaya 2018ko abe. 4a, 09:47
Durangoko Azokara joateko autobus zerbitzua egongo da. / Durangoko Azoka

Itzulerarako bi ordutegi egongo dira: 21:00etan edo 2:30ean. Urduña, Amurrio eta Laudio izango ditu geltoki garraio zerbitzuak. Abenduaren 5a izango da txartela erosteko azken eguna.

Abenduaren 5etik 9ra izango da Durangoko Azokaren 53. edizioa. Landakoko gunera hurbiltzeko autobusa antolatu dute eskualdeko hainbat udalek batera. Hain zuzen, 7 euroren truke bidaiatzeko aukera izango dute aiaraldearrek. Abenduaren 5a izango da txartela erosteko azken eguna. 

"Eskaintzaren alde interesgarriena akaso da itzultzeko aukera bi daudela; eta, aldez aurretik inori ezer esan barik, bertan erabakiko dugu zein bus hartuko dugun, bietan lekua izango dugulako erreserbaturik", adierazi dute Laudioko Euskara Arlotik. 

Autobusaren geldiuneak herrika
Urduña, Amurrio eta Laudioko Udalek elkarlanean antolatu dute ekimena. Honakoak izango dira garraio zerbitzuaren geldiune eta ordutegiak:

  • 9:45ean Urduñako suhiltzaileetatik
  • 10:00etan Amurrioko Telefonica eraikinetik
  • 10:15ean Laudioko autobus geltokian 
  • 21:00etan Durangoko autobus geltokian
  • 2:30ean Durangoko autobus geltokian

Sortzaile aiaraldearren presentzia
Urtero bezala, sortzaile aiaraldearren liburu eta diskoak eskuratu ahalko dira azokan. Hoietako askok, aurkezpenak egingo dituzte. Mushkum taldeak, adibidez, Nire totem animalia diskoa plazaratuko du azokaren lehen egunean -bihar- 12:20ean Ahotsenea gunean.

Kultura

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide