Zurrumurruen kontra, Euskal Herriko finalisten bertso saioa

Izar Mendiguren Cosgaya 2018ko abenduaren 6a
Deskargatu Info Ahotsak :

Gasteizko Europa Jauregian izango da emanaldia. / Gasteizko Udala

Abenduaren 18ko bertso saiora joateko autobus zerbitzua eskainiko dute Laudion eta Amurrion. Maialen Lujanbio, Amets Arzallus, Aitor Mendiluze, Aitor Sarriegi, Sustrai Colina, Unai Agirre, Unai Iturriaga eta Igor Elortza ariko dira kantuan.

Gasteizen izango da bertso jaialdia, eta Arabako Foru Aldundiak herrietatik bertaratzeko autobusa jarriko du. Euskal Herriko txapelketa nagusian finalera iritsitako bertsolariek abestuko dute, Aintzane Irazusta gai-jartzailearen gidaritzapean. Ikuskizuna 19:00etan izango da Europa Biltzar Jauregian, eta 600 lagunentzat egongo da tokia. 

"Gure auzoetako eguneroko bizikidetzarekin loturiko gaiak jorratuko dituzte, zurrumurru, estereotipo negatibo eta bazterkeriarik gabeko gizartea aldarrikatuz", adierazi dute antolatzaileek. Gonbidapenak jasotzeko -edota autobusean izena emateko- Amurrio edo Laudioko euskara teknikariekin jarri behar da harremanetan.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide