aiaraldea.eus

12 ekintza egingo dituzte neguan Aiaraldeko Berbalagunek

Erabiltzailearen aurpegia Izar Mendiguren Cosgaya   Euskara  Aiaraldea

Otsaila bitarteko egitaraua aurkeztu du AEKk. Eskualdean 12 Berbalagun talde daude.

12 ekintza egingo dituzte neguan Aiaraldeko Berbalagunek
12 Berbalagun talde daude eskualdean. / Aiaraldea.eus | Ikusi handiago | Argazki originala

Aiaraldeko Berbalagunek datozen hiru hilabetetarako programazioa aurkeztu dute. 12 txango egingo dituzte abendutik otsailera. Larunbatean, esaterako, Mungiako Olentzeroren etxera joango dira familian.

Datorren larunbatean, berriz, "Orientzero" ekimena prestatuko dute, orientazio ibilaldia. "Bi ibilbide egongo dira, familientzat eta helduentzat", adierazi dute. Laudioko Latiorro auzoan izango da zita. 

Hilero lau ekintza
Urtarrilean zein otsailean launa ekintza antolatuko dituzte. Urtarrilaren 20an Bilboko Artxandara joango dira, mapa eskutan ibilbideaz gozatzera. Hilaren 24an, berriz, makrobiotika ikastaroa egingo dute Amurrion. "Marta Francisco Barcenas sukaldariak gidatuta, neguko menu makrobiotikoa egiten ikasiko dugu", adierazi dute. Helduentzat izango da ikastaro hori, familientzat urtarrilaren 30ean izango baita zita: Urduñan pizza begetarianoak prestatuko dituzte.

Otsaileko ekintzen artean, altxorraren bila, eskiatzeko irteera, Gorobelgo mendi txangoa eta orientazio proba daude. Bestalde, gogorarazi dute ostegunero Felix Pikatzak bideratutako afari-jolas saioa dagoela Zubiko Etxean.

Ekintzetan parte hartzeko derrigorrezkoa da izena ematea. Horretarako 607 673 744 telefonora deitu daiteke, edota aiaraldea@aek.eus helbidera mezua bidali.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa