aiaraldea.eus

Gabonetako 5 jolas parke eskainiko dituzte urte hasieran

Erabiltzailearen aurpegia Itsaso Arrizabalaga   Jendartea  Aiaraldea

Laudion, Urduñan, Orozkon, Artziniegan eta Amurrion atonduko dituzte umeentzako puzgarri guneak. Urtarrilaren 2tik 5era izango dira guztiak.

Gabonetako 5 jolas parke eskainiko dituzte urte hasieran
Amurrioko kiroldegiko parkearen gune bat. / Aiaraldea | Ikusi handiago | Argazki originala

Gabonak ate joka ditugu eta, ohikoa denez, haurrentzako jolas parkeak egongo dira eskualdeko hainbat herritan. Orozkon, esaterako, urtarrilaren 3tik 4ra puzgarriak egongo dira adin guztietako umeetzat, 11:00etatik 14:00etara. Bestetik, bi disko festa egingo dituzte, lehena urtarrilaren 3an 17:00etatik 19:00etara etxeko txikienentzat; bigarrena,berriz, urtarrilaren 4an, gaztetxoentzat izango da, 12 urtetik gorakoetzat,photocalla eta kotiloia izango dute.

Laudioko Udalak, bere aldetik, ur pakea eta haur parkea antolatu ditu, lehena urtarrilaren 2an izango da 10:30etik 13:30era eta 16:00etatik 18:00etara, bigarrena, berriz, urtarrilaren 3an eta 4an, 11:00etatik 13:30era eta 15:00etatik 20:00etara. Jolas parkeez gain, hainbat ikuskizun egongo dira: abenduaren 26an Xabi Larrearen Upp ikuskizuna, abenduaren 27an Dikothomia CIAren Espazio... eta abenduaren 28an Xilipurdi Teatroren Gabonetako pailazokeriak, hirurak ere 18:00etan. Ekintza guztiak Granja
kiroldegian izango dira.

Urduñako haurrek frontoian izango dute Gabonetako haur parkeaz gozatzeko aukera, urtarrilaren 2tik 4ra 11:30etik 14:00etara eta 16:30etik 20:00etara.

Amurrion, bestalde, Bañueta kiroldegian jarriko dute haur parkea, urtarrilaren 2tik 5era 12:00etatik 14:00etara eta 16:00etatik 20:00etara.

Eskualdeko jolas parkeak dataka

  1. Urtarrilaren 2an Laudioko kiroldegian: ur parkea (11:00-13:30 eta 16:00-18:00)
  2. Urtarrilaren 2tik 4ra Urduñako frontoian: haur parkea (11:30-14:00 eta 16:30-20:00)
  3. Urtarrilaren 3an eta 4an, Artziniegan: haur parkea (goiz eta arratsaldez)
  4. Urtarrilaren 2tik 5era Amurrioko kiroldegian: haur parkea  (12:00-14:00 eta 16:00-20:00)
  5. Urtarilaren 3an eta 4an Orozkoko kiroldegian: puzgarriak  (11:00-14:00)

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa