aiaraldea.eus

Oinkariak taldea, urte berriari gogotsu ekiteko prest

Erabiltzailearen aurpegia Txabi Alvarado Bañares   Kirola  Aiaraldea

“Maila handia duten duatloi eta triatloilarien harrobia” izaten jarraitzea da taldearen helburua. Hainbat probatan hartuko dute parte horretarako.

Oinkariak taldea, urte berriari gogotsu ekiteko prest
Oinkariak taldeko zenbait kide, aurkezpen argazki batean. / Joseba Garcia | Ikusi handiago | Argazki originala

Gogotsu ekin diote Oinkariak Triatloi Taldeko kideek denboraldi berriari. 30 kirolari baino gehiago arituko dira aurten taldean, Aiaraldeko hainbat herrietakoak, “23 urte baino gutxiagokoen mailatik, beteranoen 3. mailara arte”.

Aurtengo helburu nagusia izango da Euskal Zirkuituko duatloi eta triatloietan parte hartzea. Errelebo eta erlojupeko norgehiagoka batzuetan ere aritu nahi dute taldeko kideek. “Distantzia luzearekin ausartuko direnak ere badaude taldean, Iruñeko Half Triatloian eta Bizkaia Half Triatloiko 1. edizioan parte hartzeko asmoa dutenak”, azaldu du Jose Angel Canterok.

Oinkariakeko kidearen esanetan, taldearen xedea da “maila handia duten duatloi eta triatloilarien harrobia” izaten jarraitzea.

Goiko argazkian agertzen dira Oinkariak osatzen duten kirolarietako batzuk: Alberto Lejarreta, Andoni Etxezarraga, Debora Somavilla, Kattalin Garagorri, Jon Llano, Juanjo Hernandez, Oscar Sanchez, Jose A. Cantero, Jon Ander Crespo eta David Prieto. Hala ere, badaude kide gehiago taldean: Ainhize Tejedor, Jagoba Arberas, Sergio Sanchez, Fran Duran, Joseba Goti, Aritz Vallejo, Iñigo Larreina, Steven Diaz, Imanol Peña, Zigor Udaeta, Markel Gonzalez, Iñaki Solaun, Ibai Duñabeitia eta Unai Fernandez, alegia.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa