aiaraldea.eus

1.000 lagun baino gehiagok egin dute Laudio eta Amurrio arteko bidea, berdintasunaren alde

Erabiltzailearen aurpegia Erredakzioa   Kirola  Aiaraldea
1.000 lagun baino gehiagok egin dute Laudio eta Amurrio arteko bidea, berdintasunaren alde

Berdintasuna aldarrikatzeko martxaren bigarren edizioa egin dute gaur goizean, Kaskagorri eta Altzarrate kirol elkarteek antolatuta. Laudiotik eta Amurriotik atera dira parte hartzaileak goizeko hamarretan. Luiaondon egin dute topo, eta bidea jarraitu dute gero.

Antolatzaileek oso positiboki baloratu dute ekimenak izandako harrera. Adierazi dutenez, 1.000 bizilagun baino gehiago batu dira berdintasunaren aldeko jarduerara. Era berean, ekimenean lagundu duten erakundeen lana goraipatu nahi izan dute, "eurak gabe ezinezkoa izango litzateke horrenbeste jende biltzen duen egitasmoa antolatzea". Ekimena eskualdean "erreferentea" izatea lortu duela nabarmendu dute, eta horri begira lanean jarraituko dutela aurreratu dute. 

Argazkiak: Altzarrate K.E eta Aiaraldea.eus

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa