[IRITZIA] Hitzarmen berria eskola jantokietan

LABek kudeaketa zuzeneko eskola-jangeletako kolektibitate enpresen hitzarmen kolektiboa sinatu du. Beste behin ere, ikastetxe publikoetako eskola-jangeletako langileek, catering enpresetakoek, erakutsi dugu gure hitzarmena azkenera arte defendatzeko prest gaudela eta horrela ulertu du sektoreko patronalak.

Hezkuntza Saileko sukaldarienarekiko, soldataren %100ren ekiparaziora ailegatzea lortuko dugu hitzarmen honekin. 16 urte daramatzagu honen bila eta behingoz lortu dugu, horrek dakarren egonkortasun laborala ospatzekoa da, beste arlo askotan ere hobekuntzak izango ditugu. LABen uste dugu hitzarmena sinatzea aurrera pauso bat izango dela oraindik egiteke ditugun gainontzeko borroketan aurrera egiteko. Eusko Jaurlaritzarekin ere batzartu gara ratio, funtzioen eta beraiei zuzenean dagozkien gaien inguruan hitz egiteko. Prest daude honezkero zaharkituta dagoen 2000ko araudia moldatzeko. Eusko Jaurlaritzarena da ikastetxe publikoetako eskola-jangeletako funtzionamendu eta kudeaketaren erantzukizun osoa, eta kontuan izan behar da zerbitzu publikoa dela, diru publikoz funtzionatzen duena. Eskola-jangelen ereduaren inguruan eta Eusko Jaurlaritzaren asmoen inguruan egiteko asko dagoela uste dugu.

Langileok erakutsi dugu, kontratu partzialak dituen sektore prekarizatu eta feminizatu baten egon arren, prest gaudela gure eskubideen alde borroka egiteko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide