50 artile tona baino gehiago bildu dituzte Aiaraldean

Erabiltzailearen aurpegia
Artile bilketa egin dute eskualdean. / Zabaia

Aiaraldeko 47 abere ustiategik hartu dute parte ekimenean. 

2018. urtearen bukaeran, Abere Zerbitzu Teknikoak, artilea bildu eta kudeatzeko kanpaina hasi zuen, inoiz ez bezala, Arabako Foru Aldundiko Nekazaritza Zuzendaritzak finantzatutako ekimena. Kanpainak, Arabako ardi-ustiategietan azken bi urteetan pilatutako artilea kentzea zuen helburu.

Oraintxe bukatu berri den kanpainan, Arabako Landa Garapenerako Elkarteek –Zabaia LGE barnean dela- eta Latxa-esnea kooperatibak, foru entitateari laguntza eskatuta parte hartu zuten.

Eskainitako datuen arabera, Aiaraldeko bost udalerrietan (Amurrio, Artziniega, Aiara, Laudio eta Okondo), abeltzainek azken bi urteetan gure inguruan dituzten abere-instalakuntza, korta eta gainerako dependentziatan gordeta zuten 50,89 tona artile bildu dira, orotara.

Aiara udalerria, artile kopuru gehien bildu den lekua izan da, guztira 30,36 tona; horri jarraiki Amurrio (15,52 tonarekin), Laudio (3,46 tona), Artziniega (1,18 tona) eta azken postuan Okondo dugu, bertan 360 kilogramo artile bildu dira eta.

2018ko azken hilabeteen eta aurtengo lehenen artean burututako kanpaina horretan Aiaraldeko 47 abere-ustiategik parte hartu dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide