Danborradak eta barraskilo jana egin dituzte Amurrion eta Laudion

Sanprudentzioren omenezko kalejirak egon ziren atzo Amurrion eta Laudion. Okondon eta Arespalditzan, berriz, gaur ospatu dute jaia.

Amurrion 19:30ean atera ziren kalejiran. Ondoren, Juan Urrutia plazan erretreta jo zuten, barraskilo dastaketa eskaini bitartean.

Laudion, berriz, 22:00etan hasita, 0:00ak arte aritu ziren kalerik kale danbor eta makilak astintzen eta gero ikurrina altxatu zuten. Gaur, aldiz, barraskilo dastaketa antolatu du Rakatapla elkarteak. 

Aiarako jaien baitan, 13:00etan izan da danbor emanaldia; Etxaurren Ikastolakoena, hain zuzen.

Okondon, bestalde, San Prudentzio baselizan elkartu dira, Okondogiean. Mezaren ondotik, txorizo eta odoloste jana egin dute; trikilarien lagutnzarekin. Jokorako tartea ere egon da, igel toka txapelketa gauzatu baitute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide