Espainiako kongresurako hauteskundeen emaitzak eta bilakaera udalerriz-udalerri

Erredakzioa 2019ko api. 28a, 23:29
Deskargatu Info Ahotsak :

Gaur izan dira Espainiako kongresu eta senaturako hauteskundeak. / Aiaraldea.eus

EAJ nagusitu da eskualdean, duela 4 urte Podemos indar bozkatuena izan bazen ere. Informazioa jaso ahala eguneratuko da albistea.

Gaur ospatu dira Espainiako Kongresu eta Senaturako hauteskundeak. Guztira, 33.610 aiaraldear egon dira deituta parte hartzera.  Espainiako zenbaketa bukatzean Barne Ministerioak emandako datu ofizialen arabera, hauek izan dira emaitzak.

LAUDIO

 

EAJk irabazi ditu Espainiako hauteskundeak Laudion, 3.226 botorekin (%30.02). Bigarren bozkatuena PSE-EE izan da, 2.223 bozkatzailerekin (%21.69). Hirugarren geratu da EH Bildu 2.010 laudioarren bozei esker (%18.07); baino aurreko hauteskundeekin konparatuta PSE-EEk hartu dio aurre. Ondorengo alderdi bozkatuenak honakoak izan dira: Podemos (1.887 boto, %17.56), PP (742 boto, %6.9), Ciudadanos (241 boto, %2.24) eta VOX (216 boto, %1.92). Gainontzeko alderdien batura 128 bozkakoa izan da (PACMA, Recortes Cero-GV eta PCTE/ELAK). Bilakaerari erreparatuta lehen hiru alderdien gorakada jazo da: EAJk %7 hobetu du 2016ko hauteskundeekiko bere emaitza, PSE-EEk %6, eta EH Bilduk %4. Aldiz, Podemosek %15 egin du behera (2016an 3.266 boto lortu zituen, eta 2019an 1.887). PPk ere bere indarra murriztu du (%4.1), eta Ciudadanosek mantendu. VOXek, baina, 206 boto lortu ditu (2016an 10 jaso zituen). Hala, eskuineko alderdiek %11 inguru ordezkatzea lortu dute; aurrekoan baino %2 gutxiago.

AMURRIO

Alderdi jeltzalea izan da indar bozkatuena Amurrion, boto guztien %34.88 lortuta (2148 boto). 2016ko emaitzekin alderatuta, %6 egin du gora, aurreko hauteskundeetan 1632 boto eskuratu zituen eta (%28,86). EH Bildu ere hazi da (%7,62), bigarren alderdi bozkatuenak 1314 boto jaso ditu (%21,33), aurrekoan baino ia %8 hobetu ditu emaitzak beraz (539 boto gehiago). Hirugarren alderdi bozkatuena PSE-EE izan da, eta % 6,35 egin du gora alderdi sozialistak: 1036 boto bildu ditu (%16,82), 2016 urteko 592 botoen aldean (%10,47).

Podemos izan da galera handiena izan duen alderdia, ia erdira jaitsita; 2016an izandako 1913 botoetatik 989 izatera pasa da (%17,77 jaitsi da), % 16.06ko ordezkaritzarekin geratuta.

PPk ere egin du behera: 310 boto lortu ditu, duela lau urte izandako 496 botoren aldean (% 8.77tik % 5,03 izatera pasa da). Santiago Abascalen jaioterrian VOXek 152 boto lortu ditu (2016an 24 baino ez ziren izan), % 2,47ko ordezkaritza. Ciudadanosek 31 boto galdu ditu, 134 lortzetik 103 izatera pasa da.

PP, Ciudadanos eta VOXek osatutako blokeak %2 egin du behera Amurrion: 565 boto lortu dituzte, 2016an batura 654 izan zelarik (% 11,56tik, % 9,17 izatera pasa dira). Bestalde, PACMAk gora egin du, 47 boto lortu ditu, eta Recortes Cerok bi boto galdu ditu (19 bildu dituzte). Azkenik, PUM+Jk 16 boto lortu ditu, eta PCTE/ELAK 8. Parte hartzeari dagokionez, %7 gehiago bertaratu dira hautesmahaietara (6227 bozkaitzaile). 

 

ARRANKUDIAGA-ZOLLO

Duela lau urte ez bezala, EH Bilduk irabazi ditu Espainiako Kongresurako hauteskundeak Arrankudiaga Zollon. Parte hartzea %81.35ekoa izan da (2016an baino %5 gehiago), koalizio abertzaleak emandako botoen %41.16 jaso du (256 boto, 2016 urtean 199 izan ziren). Bigarren indarra EAJ izan da, botoen %39.55 jasota (246 boto, 2016an 210 izan ziren). Alderdi jeltzaleak 3 puntu igo ditu, eta EH Bilduk 6.4.

Podemos izan da hirugarren indar bozkatuena Arrankudiago Zollon, botoen %10 inguru jasota (62 boto), 2016an baino 8 puntu eta erdi gutxiago. Ondorioz, Podemosek galdutako botoak EAJ eta EH Bildura joan direla esan liteke. PSE-EEk ere gora egin du, botoen %5.31 eskuratuta (33 boto), 2016ko %4.52aren aldean (26 boto).

Eskumako alderdi espainolek (PP, C´S eta VOXek) guztira 19 boto jaso dituzte, 2016an aldiz 27 izan ziren. Ehunekoei begiratuta behera egin du bloke honek nabarmen, %3,6 izan dira eta 2016an aldiz %4,7.Azkenik, PACMAk 4 boto jaso ditu (2016an bezala).  

 

 

OKONDO

Okondon ere parte hartzeak gora egin du, %7.48 hain zuzen ere, guztira 723 boto eman dira. EAJk irabazi ditu hauteskundeak nabarmen, botoen %44.38 bilduta (320 boto, 2016 urteko 223ren aldean). Ehunekoetan ere ia 10 puntu hazi da alderdi jeltzalea, 2016an %34.41 eskuratu baitzuen.
Bigarren alderdi bozkatuena EH Bildu izan da, 2016an Podemosek erdietsitako bigarren posizioa kenduta. Koalizio abertzaleak botoen %23.86 eskuratu du (172 boto, 2016an 128 izan ziren), duela lau urteko baino % 4 gehiago. Hirugarren indar bozkatuena Podemosek izan da, baina 2016ko datuekin alderatuta ia erdira jeitsi du botoen ehunekoa (%16,5 eskuratu ditu, 2016an aldiz %30). Azpimarratzekoa da, halaber, PSE-EEren igoera,  botoen %4.32 izatetik %7.21 izatera pasa da, guztira 52 boto lortuta (2016ko 28 botoen aldean).

Eskumako alderdi espainolek (PP, C´S eta VOXek) behera egin dute, 48 lortu badituzte ere (2016an aldiz 57 izan ziren). Ehunekotara ekarrita, obehera egin du bloke honek nabarmen, %6,66 izan dira eta (2016an aldiz %8,8). Ultra eskuinak 10 boto jaso ditu Okondon.

ARAKALDO

Arakaldon %16 hazi da parte hartzea. Guztira 80 boto eman dira hauteskunde hauetan. EAJ izan da alderdi bozkatuena, botoen %42.5 eskuratu ditu ( 2016an %29.51 lortu zituen, beraz %13 hobetu dute emaitza). Guztira 34 arakaldoarrek eman diote botoa alderdi jeltzaleari. 

EH Bildu izan da bigarren indar bozkatuena, 24 botorekin. Koalizio abertzaleak botoen %30 eskuratu ditu, 2016an eskuratutako ehuneko berdina. 

Hirugarren alderdi bozkatuena Podemos izan da, 16 botorekin %20 lortuta (2016an %36 eskuratu zituen, 22 boto). Alderdi sozialistak ere gora egin du, %3.28 izatetik, %7.50 ordezkatzera igarota (6 boto hartu dituzte, 2016ko 2 botoen aldean). Beste alderdiek ez dute boto bakar bat ere eskuratu: aurreko hauteskundeetan PPk eskuratutako boto bakarra galdu du.

 

 

ARTZINIEGA

Artziniegan apenas igo da parte hartzea, %2,11 baino ez. Guztira 1007 boto eman dira hiribilduan. Duela lau urte bezala, alderdi bozkatuena EAJ izan da, botoen ia %36arekin (359 boto), 2016ean %30.25 izan zen (301 boto). Bigarren alderdi bozkatuena EH Bildu izan da (2016an Podemos izan zen); guztira botoen %20 lortu du koalizioak (200 boto), 2016an aldiz %15.38 (153 boto). Joera orokorra jarraituta, Podemos izan da beherakada handiena izan duena, botoen ia %30 izatetik (296 boto), %17 izatera pasata (170 boto). Alderdi popularrak ere dezente egin du behera, 85 boto lortu baititu, 2016 urteko 130 botoen aldean (%13tik  %8.52 izatera pasa da).

Era berean, PSE-EEk ia bikoiztu du indarra; 134 boto eskuratu ditu, 2016ko 71koen aldean. Ehunekoei erreparatuta ere, %7,41etik, %13.43 ordezkatzera pasa da. 

Alderdi popularra asko ahuldu da, %4.5. Izan ere, 85 boto jaso ditu, aurrekoan 130 lortu zituelarik (%13 izatetik %8.52 izatera pasa da).

Alabaina, VOXek 20 boto zakuratu ditu Artziniegan (2016an ez zuen botorik eskuratu) eta Ciudadanosek aldiz botoak galdu ditu (19 eskuratu ditu, 2016an 25 izan ziren).

Eskumako hiru alderdi espainolen boto baturak, beraz, behera egin du, kopuruetan eta ehunekoetan: 124 boto eskuratu dituzte hiru alderdiek, 2016an 155 izan ziren (%12,42 ordezkatu dituzte, 2016an aldiz %28). Bestalde, PACMAk 3 boto eskuratu ditu, Recortes Cerok 2, PUM+J-k beste 2.

 

AIARA 

 

Aiaran parte hartzea %5,72 igo da, 1.789 lagun bertaratu dira hauteslekuetara. EAJ izan da garaile, 741 boto jasota (% 41,86). Gainera, 2016ko emaitzak hobetu dituzte (%9 igo da kasi, 2016an bozen % 32,31 jaso baitzituzten). Bigarren alderdi bozkatuena EH Bildu izan da, 354 botorekin (%20a). Koalizio abertzaleak ere egin du gora, iragan hauteskundeetan 234 herritarren babesa lortu baitzuten (%14,60). Podemosek 2016an eskuratutako botoen ia erdia galdu du Aiaran (278 lortu ditu, 2016 urteko 537 botoen aldean). Ehunekoetan aztertuta, %33.50tik %15.71era murriztu da Podemos. Aldiz, PSE-EEk boto kopurua bikoiztu du ia (196), aurreko hauteskundeetan baino 94 gehiago (%9,54 ordezkatzetik % 11,07 izatera pasa da). PP, VOX, eta Ciudadanosen baturak ere behera egin du Aiaran, 110, 35 eta 23 boto eskuratuta hurrenez hurren (168 guztira, %9.49). 2016an hiru alderdi espainolek 181 boto jaso zituzten. Amaitzeko, PACMAk eta Recortes Cerok seina boto eskuratu dituzte.

OROZKO

 %8,63 igo da parte-hartzea Orozkon, guztira 1591 herritarrek eman dute botoa. Beste udalerrietan bezala, EAJk gora egin du, eta indar bozkatuena izan da (769 boto). Guztira botoen ia erdia lortu du alderdi jeltzaleak (%49,14). 2016an aldiz %42,83 eskuratu zituen (582 boto).

EH Bildu izan da bigarren indar bozkatuena, ia %5 eginez gora. Koalizio abertzaleak 361 boto lortu ditu, aurrekoan baino 113 gehiago.

Joera orokorrari jarraituta, Podemosek behera egin du Orozkon ere, botoen % 26,64 eskuratu zituen 2016 urtean (362 boto), eta oraingoan %14,82 (232 boto).

PSE-EEk, berriz, %2,20 egin du gora: 55 bototik 98 izatera pasa da(% 6,26). PPk 44 boto lortu ditu (80 izan ziren 2016an) eta VOXek 26 boto (ez zuen bat bera ere ez izan 2016an). Ciudadanosek, ostera, bi boto galdu ditu (15 eskuratu ditu). Bloke honek 85 boto izango litzuke (%5,43), 2016an baino %7.14 gutxiago (97 boto). Bestalde, PACMAk 6 boto lortu ditu (2 irabazi ditu), eta PUM+Jk bat.

URDUÑA

Urduñarren %75.77ak egin du bat hauteskundeen deialdiarekin, 2016an baino %5ak gehiago. EAJ izan da alderdi bozkatuena hiri bizkaitarrean, 1.001 botorekin (%40.69). Hurrengo alderdi bozkatuenak hauek izan dira, hurrenez hurren: EH Bildu (565 boto, %22.97), Podemos (327 boto, %13.29), PSE-EE (326 boto, %13.25), PP (110 boto, %4.47), Vox (50 boto, %2.03), Ciudadanos (40 boto, %1.63) eta PACMA (1 boto, %0.41). Beste alderdiek 17 boto baino ez dituzte jaso.

Bilakaerari erreparatuta, jeltzaleek %7 igo dute emaitza, eta EH Bilduk %4. Podemosek izan du jaitsierarik handiena, ia %50ekoa (609 boto lortu zituzten 2016an, eta aurten 327). PPk ere ia %5 murriztu du bere ordezkaritza Urduñan gaurko hauteskundeetan (2016an 214 bozkatzaile izan zituen, eta gaurkoan 10). Eskuineko indarrak, baina, nabarmen egin du gora VOXekin (2016an 3 boto eskuratu zituzten Urduñan, eta gaur 50). Eskuin hirukoitzaren indarra, ordea -PP, VOX eta Ciudadanos alderdien batura- %7koa da (2016an baino %3 gutxiago). 

 

 

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide