aiaraldea.eus

Nerbioi Goienako ur saneamenduari begira, 3 proiektu aurkeztu ditu PSE-EEk

Erabiltzailearen aurpegia Izar Mendiguren Cosgaya   Politika  Aiaraldea

Markijana eta Basaurbeko araztegien eraikuntza eta Nerbioiko ur saneamendu sistema hobetzea izango dute helburu.

Nerbioi Goienako ur saneamenduari begira, 3 proiektu aurkeztu ditu PSE-EEk
Isurketa ugari egon dira azken hilabeteetan Nerbioi ibaian. / Aiaraldea.eus | Ikusi handiago | Argazki originala

Uraren ziklo integrala lehentasuntzat hartu dute Aiarako sozialistek. Pedro Sanchezek iragarri gisa, 40.7 milioi euro baliatuko dituzte Nerbioiko ur saneamendua hobetzera. Proiektuaren egikaritzea 36 hilabetetan aurreikusia dago, eta lanek 20.5 kilometrori eragingo diote.

Bigarren ekintza Markijana eta Basaurbeko araztegiena izango da, "egun lehiaketa fasean sartzear dago, 18.85 eta 183.38 milioi euroko aurrekontuekin, hurrenez hurren". Sozialisten esanetan, 42 hilabeteren buruan egongo dira amaituta lan horiek. "Bi erronka horien batura 78.8 milioi eurokoa da", zehaztu dute.

Uraren kalitatea garrantzitsua dela iritzita, EH Bilduri inplikazio falta leporatu diote prentsa oharrean: "Prozesu osoan zehar utzikeria salatu dute, eta era berean, konpromiso falta ikusi da modu bateratuan kudeatzeko konpromisoa agertzerako orduan. Laudio da Euskadiko nukleo esanguratsu bakarra ur arazketa sistema desegokia duena". Erantsi dutenez, eskaera historikoa izan da. Zentzu horretan, Juan Jesus Merchanek PSE-EEren konpromisoa berretsi du: "Publikoki konprometitzen gara laster bi araztegi horien eraikuntza lizitatzeko, hodi sistemaren sarea barne; Laudioko bizi kalitatea eta gure ibaien ingurumen kudeaketa hobetzeko".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa