Arabako Euskaraz jaira joateko autobusa antolatu dute Laudio eta Amurrioko Udaletako Euskara Arloek. Ekainaren 16an izango da festa hori, Gasteizen. Autobusa 10:15etan aterako da Amurrioko Araba kaletik, eta 10:30ean igaroko da Laudioko Institutuaren paretik, bertan dauden bidaiariak hartzeko. 19:30ean izango da itzulera.
Ekainaren 13a (datorren asteko osteguna) izango da autobusean izena emateko azken eguna. Laudioko Udaletxean (Euskara Arloan) eta Amurrioko Kultura etxean lortu ahal dira txartelak, 6 euroren truke.
Okondotik ere autobusa antolatu dute. 10:00etan aterako da Batzokitik eta Txaparrotik, 19:00etan itzultzeko. Sarrerak 8 euroren truke eskuratu daitezke udaletxean, ekainaren 13a baino lehen. Artziniegan, 9:30ean aterako da Bizkaibusen geltokitik. Sarreren prezioa berdina izango da eta udaletxean eskuratu ahalko dira osteguna baino lehen.
Armentia Ikastolak antolatuko du aurten jaia, 25 urte betetzen baititu. Egitarau oparoa egongo da hiriburuan goizetik arratsaldera arte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
