Berriak supermerkatuetan lanuzteak egingo dituzte bihar lan egutegia aldarrikatzeko

Erredakzioa 2019ko ekainaren 27a
Deskargatu Info Ahotsak :

Amurrion, Laudion, Bilbon eta Ugaon egingo dituzte lanuzteak. / Airaldea.eus

Laudion eta Amurrion egingo dituzte etenaldiak Berriak Supermerkatuko langileek. Besteak beste, urtero 5 larunbat libre izatea aldarrikatzen dute.

Berriak supermerkatuetako langileek bihar protesta egingo dute Amurrion, Laudion, Bilbon eta Ugaon. Mobilizazioen arrazoiak lan egutegira daude lotuta, bereziki.

Izan ere, lanaldia neurtzeko tresna hori ez dago argi enpresan eta beharginek hurrengo puntuak aldarrikatzen dituzte:

  • Beti astelehenetik larunbatera lan egin ordez, 5 larunbat libre izatea urtero.
  • Urtero zubi bat izatea, gutxienez.
  • Lan hitzarmenak jasotzen dituen lan orduak betetzea, eta ez gehiago, orain arte bezala.

Laudion eta Amurrion lanuzteak 13:00etatik 14:00ak arte izango dira eguerdian eta 19:30etatik 20:30ak arte arratsaldean.  Berez, mobilizazioak hasi baino lehen, negoziazioak izan dituzte enpresako zuzendaritzarekin, baina ez dute erantzun positiborik izan, LAB sindikatuak adierazitakoaren arabera.

Berez, lehen aldia da Berriak supermerkatuetan langile batzordea sortzen dela eta LAB sindikatua da indar bakarra.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide