Ertzaintzak gizonezko bat atxilotu du Laudion eta Amurrion lapurtzeagatik eta espetxean sartu dute

Erredakzioa 2019ko uztailaren 24a

Ertzaintzak atxilotu ostean, epaileak espetxeratu du susmagarria. / Aiaraldea.eus

Uztailaren 5ean Laudioko Ugarte auzoan egindako lapurretaren ondorioz abiatu zuen ikerketa Ertzaintzak eta horrek 25 urteko gizonezkoa eraman du kartzelara.

Pasa den astean Bilbon atxilotu zuen poliziak 25 urteko gizonezkoa, ekainean eta uztailean zenbait etxebizitzatan lapurtzeagatik, Laudioko Ugarte auzoan eta Amurrion, hain zuzen.

Aurrekariak ditu susmagarriak eta epaileak espetxera bidali du. Guztira, lau lapurreta leporatu dizkiote eredu bera erabilita: etxeko jabeak atera ondoren, ustezko egilea barruan sartzen zen indarra baliatuta, eta zenbait ondasun eskuratzen zituen (bitxiak, erlojuak...).

Berez, ikerketa ez da amaitu, Ertzaintzak jakin nahi baitu pertsona berak eskualdean gertatutako beste lapurretekin harremana duen.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide