Irailarekin batera hasi da kultur zein kirol taldeen izen-emate garaia. Euskal dantzen taldeak dira horren adierazle. Urduñako Erauntsi taldeak eta Aiara dantza taldeak, esaterako, matrikulazio kanpaina abiatu dute.
"Taldean arte hartu nahi duzu? Ateak zabalik daude", adierazi dute Erauntsikoek sare sozialetan. Irailaren 6an, 11n, 16an eta 18an eskainiko dute horretarako aukera, 18:30etik 20:00ak bitartean euren entsegu lokalean (Etorbide Nagusia, 10). Adinari dagokionez, gutxienez 2014an jaiotakoak izatea eskatu dute: "Maila ezberdinak izango ditugu, umeena, helduena, hasiberriena, mutilena...". Ildo beretik, orain arteko dantzariek matrikula berritu beharko dutela nabarmendu dute.
Aiara dantza taldeak, bestalde, ikasturte berrirako taldeak eta ordutegiak zabaldu ditu. Aurten ere 4 talde gidatuko dituzte, dantza plazakoa barne:
Eskualdean, beste hiru dantza talde daude, behintzat: Laudioko Itxarkundia, Aretako Untzueta eta Orozkoko Ubixeta. Bertan parte hartzeko sare sozialetan edota interneten bila liteke harremantzeko modua.