aiaraldea.eus

Indarrean dago Renferen txartel mota berria, paperezko tiketen ordezkoa izango dena

Erabiltzailearen aurpegia Txabi Alvarado Bañares   Jendartea  Aiaraldea

Paperezko tiketak apurka-apurka kentzen joatea da Renferen asmoa, txartel berriagatik ordezkatuta.

Indarrean dago Renferen txartel mota berria, paperezko tiketen ordezkoa izango dena
Plastikokoa izango da txartela. / Renfe | Ikusi handiago | Argazki originala

Gaur -irailak 16- jarri du Renfek indarrean C1, C2 eta C3 lineetan erabili ahalko den “+renfe&tú” txartela. Barik-aren antzeko txartela izango da, baina hainbat abantaila izango ditu, enpresak jakinarazi duenez. Galduz gero beste bategatik ordezkatzeko aukera egongo da eta deskontuak dituzten erabiltzaileei (Familia ugaria dutenek, kasu) automatikoki ezarriko die dagokien beherapena.

Barik-aren kasuan bezala, bi txartel mota egongo dira: pertsonalizatua eta pertsonalizatu gabea. 2 euroren eta 0,5 zentimoren truke eskuratu ahalko dira, hurrenez hurren. Lehen txartela Abandoko geltokiko bulegoan eskuratu ahalko da. Bigarrena, aldiz, horretarako egongo diren makinetan egongo da salgai.

Renferen helburua da txartel berri hori izatea orain arteko paperezko tiketak ordezkatuko dituena. Hala ere, aldaketa apurka-apurka egingo dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa