aiaraldea.eus

Gure Esku Dago: "Erreferenduma ez da delitua, larrialdi demokratiko batean gaude"

Erabiltzailearen aurpegia Erredakzioa   Politika  Aiaraldea
Gure Esku Dago: "Erreferenduma ez da delitua, larrialdi demokratiko batean gaude"

Mobilizazioak deitu ditu Aiaraldeko Gure Esku Dagok Amurrion, Artziniegan, Laudion, Urduñan eta Arrankudiaga-Zollon. 

Urriaren 1eko ereferenduma dela eta, Espainiako Auzitegi Gorenaren epaia salatu du Gure Esku Dagok Euskal Herrian. Aiaraldean ere izan du oihartzuna deialdiak, herritar ugari atera baitira kaleetara erabakia salatzera. 

Gure Esku Dagok adierazi duenez, demokraziaren aurkako eraso larria da erreferendumagatik 9 eta 13 urte arteko espetxe zigorrak ezartzea. "Epaia ez ezik prozesua bera ere ez da justua izan: arbitrariotasunez betea izan da, funtsik gabeko akusazioetan oinarritu da eta behin-behineko espetxealdiarekin presoen eskubideak urratu dira, Nazio Batuen Erakundeko Atxiloaldi Arbitrarioei buruzko lantaldeak salatu duenez". Absoluzioa jo dute amaiera justu bakartzat, "baina hilabeteetan aurreikusitakoa berretsi du Espainiako estatuak: larrialdi demokratikoan gaude".

Urduñan, Amurrion, Laudion eta Artziniegan 19:00etan elkartu dira. Arrankudiaga-Zollon eta Orozkon, aldiz, 20:00etan. 

Argazkiak: Alazne Lafragua, Marian Ureta, Maddi Isasi, Beñat Aginako, Txomin Egiluz eta Izar Mendiguren Cosgaya

Testua: Izar Mendiguren Cosgaya

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa