EH Bilduk salatu du EAJk Aiarako Kuadrillako aniztasun politikoarekin bukatu duela

Encina Castresana hautatu zuten Aiarako Kuadrillako presidente. / Aiaraldea.eus

Asteazkenean osatu zen Aiarako Kuadrillako Udal Gobernu Batzordea eta hemendik aurrera alkateek bakarrik parte hartuko dute. EH Bilduk salatu du eskualdean dagoen aniztasun politikoa birrindu duela horrek.

EH Bilduk oharra zabaldu du jakinarazteko ez dagoela ados Aiarako Kuadrillaren osaketa berriarekin. Izan ere, asteazkenean EAJk eta PSE-EEk babestu zuten udalbatzaren ahalik eta eskumen gehien Udal Gobernu Batzordearen esku uztea eta organo horretan kuadrillako alkateak egongo dira soilik. Hau da, EAJren 4 kide eta EH Bilduko bakarra.

Erabakiak aurrera egin zuen EAJ eta PSE-EEko 15 botoren bitartez. Omniak, Okondo Aurrerak eta EH Bilduk aurka bozkatu zuten. Koalizioak salatu du tokiko aniztasun politikoa bi alderdira mugatuko dela. Halaber, erantsi du erabakiak udalbatzaren gaitasuna indargabetu duela eta informazio batzordeek -zeinetan alderdi guztiak dauden- ez dutela ezertarako balio.

Antza, ordezkariek parte hartze murritza izan zutela argudiatu du EAJk erabaki hori hartzeko. Baina, EH Bilduren aburuz, jeltzaleek ez dute daturik eman iritzi hori babesteko.

Azkenik, koalizioak azpimarratu du proposamena ez zela aurretik eztabaidatu eta jeltzaleak euren gehiengoa baliatuta estreinatu direla.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide