Gaur 41 urte betetzen dira Espainiar Konstituzioa onartzeko erreferenduma egin zenetik. Espainiako alderdi politiko eta sindikatu nagusiek (UCD, PSOE, Alianza Popular, PCE, CCOO, UGT...) baiezko bozaren aldeko kanpaina egin zuten, eta emaitzak gehiengo horren isla izan ziren: Baiezkoak 15.706.078 boza jaso zituen (boto guztien % 88,54) eta ezezkoak 1.400.505 (% 7,89). Bozkatzera deituak zeuden pertsonen % 32,89ak, berriz, abstenitzea erabaki zuen.
Hego Euskal Herrian, baina, alderdi politiko guztiek ez zuten baiezkoaren aldeko kanpaina egin. EAJk abstentzioa sustatu zuen, Euskadiko Ezkerrak eta urte hartan sortutako Herri Batasunak ezezko boza emateko deia luzatu zuten bitartean.
Ondorioz, baiezkoa ez zen aukerarik bozkatuena izan, abstentzioa baizik, % 48,89koa izan baitzen. Hori dela eta, bozkatzera deituak zeuden pertsonen % 36,9ak baino ez zuen Espainiar Konstituzioaren alde bozkatu.
Aiaraldean ere, antzeko fenomenoa
Antzeko fenomenoa eman zen Aiaraldean ere. Abstentzioa izan zen nagusi, % 48,23arekin, Eusko Jaurlaritzak eskainitako datuen arabera. Baiezkoak hautesleen % 34,17aren babesa jaso zuen, eta ezezkoak % 12,73arena.
Arakaldon, ezezkoa nagusi
Arakaldon, baina, ezezkoa izan zen nagusi: 29 herritarrek babestu zuten aukera hori; baiezkoa, berriz, hamahiruk. Antzeko fenomenoa eman zen Hego Euskal Herriko beste hainbat herri txikietan; Aramaion edo Abaltzisketan, adibidez.
Arrankudiaga-Zollon, berdinketa teknikoa
Arrankudiaga-Zollon ez ziren ez baiezkoa ez ezezkoa nagusitu, bi aukeren arteko berdinketa teknikoa eman baitzen, biak ala biak 109 boza lortu baitituzten.
Handik urtebetera udaleko zazpi zinegotziek Euskal Herriaren independentzia aho batez aldarrikatu zuten, adierazpen instituzionalaren bidez.
Aiaraldeko emaitzak, herriz herri:
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
