Egitarau oparoak prestatu dituzte eskualdean datozen asteetarako, Gabon garaia probestuta. Haur eta nerabeentzako jarduerek izango dute presentzia nabarmenena.
Gaur, adibidez, umeentzako tailerrak eta txokolatada egongo dira Aretako Kultur etxean, 16:30etik aurrera. Artziniegako liburutegian, aldiz, ipuin kontaketak egongo dira gaur eta bihar. Ostiralean Urduñan eskainiko dute umeentzako ikuskizuna, 17:30ean Alondegian. Igandean, aldiz, Sukaldaritza tailerra egongo da Aretan, Pinpili ausialdi taldearen eskutik.
Ikastaro eta tailerrak
Mota askotako ikastaro eta tailerrez gozatzeko aukera egongo da abenduko bigarren hamabostaldian. Urduñan zientzia tailerra eskainiko dute hilaren 24an, Alondegian. Laudion, aldiz, Youtuberi zein Errobotikari buruzko saioak eskainiko dituzte, udaleko gazteria arloak antolatuta.
PINetara joateko irteerak ere egingo dira, Aretatik eta Orozkotik. Kirikiño aisialdi taldeak, bere aldetik, Sormen Negulekuak antolatuko ditu.
Eskaintza guztiaren gaineko informazioa Agenda atalean topatu daiteke.