Atzo atxilotu zuten taldeko laugarren kidea, ostiralean beste hiru atzeman eta gero. Hainbat lapurreta egotzi dio poliziak taldeari. Ertzaintzaren Prentsa Bulegoal baieztatu duenez, aurreko egunetan Amurrion eta Arrankudiaga-Zollon ikusi zituzten.
Ertzaintzak 23 eta 32 urte bitarteko lau lagun atxilotu ditu. Horietako 3 ostiralean harrapatu zituen Altubeko ordainlekuan, zenbait objektu bota eta gero autoko leihotik, eta laugarrena atzo bertan atzeman zuten. Ezkerraldean zeuden finkatuta akusatuak.
Ertzaintzaren esanetan, atxiloketak poliziaren jarraipenen ondorioa izan dira. Horri esker, Murgia, Mungia eta Kantabrian egindako lapurretak leporatu dizkiote taldeari.
Hala ere, ostegunean Amurrioko eta Arrankudiaga-Zolloko landa eremuan ere ikusi zituzten, Volkswagen Passat batean. Ertzaintzak ez du ikerketa amaitu eta ez du baztertzen ekintza gehiago egoztea.
Taldearen modus operandia hurrengoa zen: ”Auto bat lapurtu eta horrekin landa eremuko bizitza bakarreko etxeak hautatzen zituzten. Gero, palanka erabilita, etxebizitzako punturik ahulenetik sartzen ziren. Lapurtu ostean, hartutako autoa ere lagatzen zuten”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
