aiaraldea.eus

Casa Taida, Proiekta eta Kukuma saritu zituzten atzo Aiarako Erakusleihoen Lehiaketan

Erabiltzailearen aurpegia Aitor Aspuru Saez   Jendartea  Aiaraldea  Aiaraldea: Araba
Casa Taida, Proiekta eta Kukuma saritu zituzten atzo Aiarako Erakusleihoen Lehiaketan

AEKO merkatari elkarteak banatu zituen atzo Aiarako Erakusleihoen Lehiaketako sariak Laudioko Kasinoan. Casa Taida Artziniegako negozioa izan zen irabazlea.

Aiarako Erakusleihoen IV. Lehiaketako sariak banatu zituzten atzo Laudioko Kasinoan. AEKOk Artziniegako Casa Taidari eman zion aitorpen nagusia eta Proiekta -Amurrio- eta Kukuma -Laudio- izan ziren 2. eta 3. postuan sailkatu zirenak, hurrenez hurren.

Okondo, Artziniega, Amurrio, Laudio eta Aiarako 46 dendek parte hartu dute lehiaketan eta Eusko Jaurlaritzako, Arabako Foru Aldundiko eta Aiarako ordezkariak egon ziren ekitaldian.

Beste hainbat sari ere eman zituzten atzo:

  • Aiarako Kuadrillako erakusleiho deigarriena: Mercería Robledo -Amurrio-.
  • Aiara udalerriko erakusleihorik onena: Antojo taberna.
  • Okondoko erakusleihorik onena: Okondo farmazia.
  • Laudioko XXI. erakusleiho lehiaketan Epaimahai Teknikoaren 1. saria Kukumarentzat izan zen, 2. saria Perfumeria Irustarentzat eta 3. saria Monairentzat. Aipamen bereziak jaso zituzten Tapiceria Juanek eta Aldama Arraindegiak teknikarien aldetik. Kategoria herrikoian Monaik irabazi zuen eta aipamen bereziak Tapiceria Juanek eta Nina Life Stylingek jaso zituzten. Euskararen integrazio onena Tapiceria Juanek egin zuen.
  • Amurrioko VI. Erakusleiho lehiaketan lehen saria Proiektari eman zioten, 2. saria Burutxaga harategiari eta 3. saria Ormaetxea Bicicletasi. Sailkapen herrikoian Entre3 izan zen irabazlea, Ormaetxea Bicicletas bigarren eta Lur Herboristeria hirugarren. Euskararen integrazioan Selene fruta denda nabarmendu dute.
  • Artziniegako Erakusleihoen IV. edizioan Casa Taida izan zen irabazlea eta La Encina jatetxea bigarrena.

Argazkiak: Merkataritzako Bulego Teknikoak

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa