Zaballako espetxeko mobilizazioarekin hasi ziren presoen aldeko elkartasun ekimenak larunbatean

Aimar Gutierrez Bidarte 2019ko abenduaren 24a

Larunbatean goizean hainbat lagun joan ziren Aiaraldetik Zaballako espetxera, sakabanaketa politika amaitu behar dela eta preso gaixoen berehalako askatasuna aldarrikatzeko. Hala ere, egun hauetan ekintza gehiago antolatuko dituzte.

Larunbateko ekimenaz gain, gaur elkarretaratzeak egingo dituzte euskal preso politikoen, iheslarien eta deportatuen alde. Laudion 18:00etan izango da Herriko plazan eta Urduñan 18:30ean Foru plazan. Brindisa ere egingo dute hirian. Laudion, ordea, 31n egingo dute topa 19:00etan Batzalarrin kalean.

Amurrion ere egitaraua prestatu dute. Adibidez, ostiralean elkarretaratzea eta ekitaldi musikatua gauzatuko dute 20:00etan. Abenduaren 31n giza katea egongo da 19:00etatik aurrera Amurrioko plazan. Parte-hartzaileei eskatu diete kandelak eramateko.

Gainera, urtarrilaren 5ean elkartasun afariak antolatuko dituzte. Urduñan jarduera 20:00etan abiatuko dute kantu-poteoarekin eta 22:00etan afalduko dute Mugalden. Laudion 21:00etan jarriko dira mahaiaren inguruan eta hamar euro balioko du menuak: porrusalda, oilaskoa eta postrea. Ilargi eta Bazter tabernetan daude salgai tiketak.

Bestalde, urtarrilaren 5ean ere, antza, kontzertua eskainiko dute Laudioko Gaztetxean.

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide