aiaraldea.eus

Tamaina handiko trasteei buruzko abisuak uzteko “Linea Verde” aplikazioa erabiliko du Aiarako Kuadrillak

Erabiltzailearen aurpegia Julen Solaun Martinez   Jendartea  Aiaraldea  Aiaraldea: Araba

Aplikazio horren bidez, erabiltzaileak traste handien -altzariak, adibidez- inguruko gertakarien berri eman dezake. Gainera, estatu osoan ere erabilgarria da aplikazioa.

Tamaina handiko trasteei buruzko abisuak uzteko “Linea Verde” aplikazioa erabiliko du Aiarako Kuadrillak
"Linea Verde" aplikazioa erabiliko da eskualdean. / Aiarako Kuadrilla | Ikusi handiago | Argazki originala

Aiarako Kuadrillak sakelakorako “Linea Verde” aplikazioa erabiliko du zonaldeko biztanleek tamaina handiko trasteen bilketari buruzko abisuak utzi ahal ditzaten, edo “jakinarazi nahi duten beste edonolako gertakarietarako”.

Kuadrillak ohar batean adierazi duen arabera, aplikazioa dagoeneko dago eskuragarri Android mugikorretako Play Storen, eta, eskualdeko herrietatik aparte, estatuko beste hainbat zonaldetan abisuak uzteko baliagarria izango da ere.

Abisu berria uzteko “Nueva Incidencia” atalean klikatu eta gertakari mota desberdinen artean aukeratu beharko dute erabiltzaileek.

Ondoren, ezinbestekoa izango da intzidentziaren lokalizazioa zehaztea, bai sakelakoaren GPSa baliatuta, bai kokapena eskuz sarturik. Nahi izatekotan, argazki bat jartzeko aukera egongo da. Ondoren, bidalitakoaren inguruko jarraipena egiteko parada izango dute erabiltzaileek.

Aplikaziotik aparte, tamaina handiko edukiontzien bilketarako telefono bidezko zerbitzua hobetu da ere. Otsailaren 3az geroztik, 900 101 476 zenbakiak operadore bat du lanean astelehenetik ostegunera 9:00etatik 17:00etara, eta ostiraletan 09:00etatik 14:00etara. Ordu horietatik kanpo, erantzungailu automatiko bat egongo da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa