aiaraldea.eus

Hiru jarduera antolatu ditu Aiaraldeko Ikasle Abertzaleak antolakundeak martxoaren 8ari begira

Erabiltzailearen aurpegia Txabi Alvarado Bañares   Politika  Aiaraldea

“Ikasle langile sektore guztiarekin” lanketa bat egitea izango da egitasmoaren xedea.

Hiru jarduera antolatu ditu Aiaraldeko Ikasle Abertzaleak antolakundeak martxoaren 8ari begira
Ikasle Abertzaleak antolakundeak Laudion eginiko elkarretaratze baten irudia. / @AiaraldekoIA | Ikusi handiago | Argazki originala

Martxoaren 8ari begirako dinamika bat abiatu du Aiaraldeko Ikasle Abertzaleakek, “Hezkuntzatik emakume langileon antolakuntzari ekin” lelopean. Hiru jarduera antolatu dituzte, “ikasle langileon heziketa politikoan sakontzeko asmoarekin”.

Otsailaren 20an “hipersexualizazioari buruzko hitzaldia” eskainiko dute eta 28an “emakume langilearen heziketa politikoari” buruzkoa. Martxoaren 6an, aldiz, “autodefentsaren beharra” izango dute hizpide. Ekintzen ordutegiak eta kokalekuak aurrerago zehaztuko dituzte.

Ikasle eragileko kideen arabera, “beharrezkoa” da martxoaren 8a baino lehen “ikasle langile sektore guztiarekin” lanketa bat egitea. “Horregatik, aurrera eramango diren ekimen hauek Ikasle Abertzaleaken dinamika nazionalari erantzuten diote”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa