aiaraldea.eus

11,1 milioi euroko mozkin garbiak lortu zituen iaz Tubacexek

Erabiltzailearen aurpegia Julen Solaun Martinez   Ekonomia  Aiaraldea  Aiaraldea: Araba

11,1 milioi euroko mozkin garbiak lortu zituen iaz Tubacexek Krisiaren aurretiko mailatik "urrun" daude oraindik Tubacexen, zuzendaritzaren hitzetan. / Aiaraldea.eus | Ikusi handiago | Argazki originala

2018an baino %35,9 gutxiago irabazi zuen multinazionalak. Dena den, enpresa-taldea pozik azaldu da lortutako emaitzarekin. 

Tubacexek 11,1 milioi euroko mozkin garbiak lortu zituen iaz, 2018an baino %35,9 gutxiago. Hala ere, balorazio positiboa egin du enpresa taldeak, eskari kopurua %30 handitu delako. Dena den, krisi ekonomikoa baino lehenagoko mailetatik “urruti” daudela aitortu du zuzendaritzak.

613,5 milioi euroko salmenta zifra lortu zuen iaz enpresak, aurreko urtean baino %1,4 gutxiago. Emaitza hori merkatuaren hobekuntzari eta NTS taldearen eransketari atxikitu diote. Ebitda emaitza ere 2018an baino %3,5 txikiagoa izan zen 2019an, 67,1 milioi eurokoa, %10,9ko margenarekin. Zorrei dagokienez, 253,6 milioi euroko zor finantzario netoa dutela zehaztu dute enpresa-taldeko buruek. Zor finantzario estrukturala, aldiz, 66,3 milioi eurokoa da soilik.

2020rako enpresaren berreskurapen ekonomikoarekin jarraitzea espero dute eta amaierako fasean dauden hainbat esleipen eta negoziazio proiektu dituztela adierazi dute. Gainera, Oklahoman egindako fabrika aurtengo bigarren seihilekorako erabat erabilgarri egotea aurreikusi dute. Merkatuaren “hobekuntza graduala” dela eta, aurtengoa tendentzia ekonomiko hazkorreko izatea espero dute. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa