Garraio publikoak zerbitzuan murrizketak egingo ditu gaurtik aurrera. Araba Busek autobusen maiztasuna % 40ra murriztuko du eta Renfek ere distantzia luzeko eta ertaineko zerbitzuak mugatuko ditu.
Araba Busi dagokionez, ohar batean adierazi dutenez, zerbitzua % 40ra murrizteaz aparte, autobusen gehienezko okupazioa totalaren erdia besterik ez da izango, erabiltzaileen arteko metro eta erdiko distantzia minimoa bermatzeko. Ordutegi berriak www.araba.eus/alavabus helbidean kontsultatu ahalko dira.
AVE eta distantzia luzeko, eta Avant eta distantzia ertaineko zerbitzuak %50era mugatuko dituztela adierazi dute beste ohar batean.
Neurrien iraupena, momentuz, bi asterako izango da eta billetea dagoeneko erosita zutenei dirua bueltatuko zaiela gehitu dute Renfetik. Tiket berriak araudi berrira egokituta jarriko dira salmentan. Neurri horiek asteazkenean jarriko dira martxan, 00:00etatik aurrera. Informazio gehiago behar izatekotan, 918 314 520 telefonoa jarri dute tren zerbitzutik eskuragarri.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
