Aiaraldea Hemen hamabostekaria fisikoki banatzeari ekin diogu berriz

Erredakzioa 2020ko maiatzaren 8a
Deskargatu Info Ahotsak :

Aiaraldea hedabidean ere deskonfinamenduranzko pausoak emateari ekin diogu apurka-apurka. Azken asteetan online formatuan soilik argitaratu dugu Aiaraldea Hemen hamabostekaria. Orain, aldiz, berriz ekin diogu aldizkariaren ale fisikoak banatzeari.

Hamabostekariaren zenbaki berezia prestatu dugu horretarako. Koronabirusaren krisian arrazoi batengatik edo beste batengatik protagonista izan diren hainbat aiaraldearri eginiko elkarrizketak bildu ditugu hamabostekarian, azken bi hilabeteetan jazotako bizipenen bilduma bat osatzeko.

Horrez gain, gehigarri berezia atondu dugu Haur Hezkuntza, Batxilergo eta Lanbide Heziketako matrikulazio kanpainen nondik norakoekin.

Eskualdeko herri guztietan egongo da hamabostekaria eskuratzeko aukera, dohainik. Saltoki eta bestelako establezimenduetan egongo da herritar ororen eskura.

Komunikazioa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide