AZKEN DATUAK

Igandean ez zen koronabirus positibo berririk detektatu Aiaraldean

Txabi Alvarado Bañares 2020ko maiatzaren 11
Deskargatu Info Ahotsak :

Herritarrek astebete baino gehiago daramate paseoan ateratzen. / Aiaraldea.eus

371 positibo detektatu dira eskualdean pandemia hasi zenetik.  

Osakidetzak ez zuen COVID-19 birusagatik kutsatutako bizilagun berririk topatu atzo eskualdean. Gauzak hala, larunbateko datu berdinak mantendu dira: Laudion 134 kutsatu detektatu dira, Amurrion 105, Aiaran 62, Urduñan 30, Orozkon 22, Artziniegan 12 eta Okondon 6. Guztira, 371 positibo detektatu dira eskualdean pandemia hasi zenetik.  

EAE osoan atzo 32 positibo baino ez ziren detektatu, 1.866 pertsonari testak egin ostean. Hau da, jaitsi egin zen positibo berein kopurua, baina test gutxiago egin ziren baita. Aurreko egunean -larunbata- 124 kutsatu berri detektatu ziren, baina 3.139 pertsonari egin zitzaien testa. 

Igandean 5 pertsona hil ziren (1.423 dira guztira zendutakoak), 661 sendatu eta 1.568k jarraitzen dute gaixorik. 361 ospitaleratuta daude eta 70, aldiz, ZIUn. 

 

 

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide