IRITZIA

Kaleak berreskuratzera

Erabiltzailearen aurpegia
Argazkia: Argia.eus

Haur eta nerabeak etxeetan izan ditugu hilabete luzez, etxean lau pareten artean, zortekoak behintzat balkoi txikia izan dutenak, haizea hartu eta kalean egotearen sentsazioa izan dutelako. Garai luze honetan haurren beharrak eta eskubideak aztertu al dira? Haurrak erdigunean kokatu al dira erabakiak hartzeko?

Haurrak eta nerabeak etxeetan egon dira bai! Baina beraien buruak eta gorputzak, jolasten, sortzen eta esperimentatzen egon dira. Etxetik ateratzean bestelako herri bat topatuko zutela amesten eta sortzen.

Denborak agintzen ez duen herri bat, presarik gabea, tximeleta baten hegaldia ordu betez ikusteko aukera izango duten herri bat.

Kaleak haurren eta nerabeen beharretatik eta beraien ikuspegitik eraikiak izango diren herri bat, kotxeak hainbeste espazio okupatuko ez duten herri bat.

Familiarekin lasaitasunez jolastu eta hitz egin ahal izango duten herri bat, familian maitatzeko tartea hartuko den herri bat.

Jolaserako herri bat, beraien haziera mugatuko duen limiterik gabea, putzuetan salto egiteko aukera, zuhaitzetara igotzeko aukera, oihukatzeko aukera… dagoen herri bat.

Benetako parte-hartze eskubidea izango duten herri bat, beraien beharrak, emozioak, iritziak, ekarpenak eta proposamenak entzun eta aintzat hartuko dituen herri bat.

Haurtzaroaren kultura errespetatuko duen herri bat! Haurrek bere modu estetiko, etiko eta poetiko propioa dutelako mundua ikusteko eta interpretatzeko.

Haurrak eta nerabeak, amesten egon dira, baina ez dira geldirik egon. Ametsak egi bihurtzen saiatuko dira eta gu helduak ondoan izango gaituzte bidelagun.  

Haurrak eta nerabeak eroso bizi diren herria, pertsona ororentzako erosoa den herria izango delako!

Haurrak eta nerabeak, kalea bizi, kalea jolastu, kalea berreskuratu!  

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide