Eudelek aholkatu die tokiko erakundeei udalekurik aurten ez antolatzeko

Aitor Aspuru Saez 2020ko maiatzaren 15a
Deskargatu Info Ahotsak :

Aiaraldeko Ekintzen Faktorian egindako udalekuak.

Eskualdeko hainbat udalek jaso dute gaur Eudel erakundeak bidalitako gomendio sorta. Horien artean daude udalekuak ez egiteko aholkua edota 250 laguneko ekitaldi publikoak, gehienez, baimentzea.

Eudelek agiria bidali die udalei jakinarazteko zer ebatzi duen, ekitaldi publikoei dagokienez, irailaren 15era arte. Izan ere, atzo erakunde horren Batzorde Eragileak erabaki zuen, besteak beste, udalekuak -itxiak zein irekiak- ez egiteko gomendioa zabaltzea.

Horrez gain, zehaztu dute ekitaldi publikoek gehienez 250 lagun izan ahalko dituztela, eserita. Euren artean 2 metroko eta 4 metro karratuko tartea egon beharko da. Gauzak horrela, izaera publikoa duten ekintzek 1000 metro karratu okupatuko dituzte, gehienez.

Halaber, Eudelek erantsi du udal azpiegitura estaliak itxita egon beharko direla. Irizpide horiek guztiak moldatuko ditu erakundeak arauak aldatzen diren neurrian.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide