AIARALDEKO GURE ESKU DAGO

"Gero eta argiago dugu herritarrok hemen eta orain erabaki leloaren indarra eta egokitasuna"

Iazko ekainean Oletako zelaietan Gure Esku Dagok egindako ekimena. / Aiaraldea.eus

Aiaraldeko Gure Esku Dagok elkarlana sendotzeko deia luzatu du, ohar baten bidez.

Aiaraldeko Gure Esku Dagok oharra zabaldu du, "honetatik ere onik aterako garela aldarrikatzeko". "Euskal Herriko kaleak eta enparantzak, bideak eta errepideak hartu behar ditugu hemen gaudela esateko", erantsi du Kepa Barañano kideak. Amore emateko hautua alboratu du, eta Gure Esku Dagoren konpromisoa berretsi: "Inoiz ageri izan bada argi, orain are argiago, hemen erabaki, herritarrok erabaki gure leloaren indarra eta egokitasuna".

Pandemiari aurre egiteko elkartasuna beharko da, haren iritziz, "euskaldunok egiten dakigun eran". Hala, Aiaraldeko Gure Esku ekingunetik, elkarlana sendotzen hasteko deia luzatu diete herritarrei. Ildo beretik, "Hamaika gara" elkargunea osatzen duten eragileei (Euskal Herrian Euskaraz, LAB, HIRU, STEILAS, Euskal Herriko BIlgune Feminista, AEK, Neka, Gure Esku, EHNE, Kontseilua, Ikastolen Elkartea, Olatukoop, Sare, Euskal Herria Kirola, Etxerat....) saretzeko gonbita helarazi diete, "sendotzen hasi gaitezen".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide