AZKEN DATUAK

Urduñan COVID-19ko positibo berria diagnostikatu zuten atzo

Urduña Otxomaio Jaien azken egunean. / Aiaraldea.eus

Maiatzaren 12tik Osakidetzak ez zuen kasu berririk aurkitu Aiaraldean.

Maiatzaren 14an aldatu zuen Osakidetzak COVID-19 birusak kutsatutako herritarren berri emateko eredua. Gauzak horrela, maiatzaren 12an baieztatu zuen azkenengo aldiz positibo berria Aiaraldean. Edonola ere, osasun sistema publikoak jakinarazi duenez, atzo kasu berri bat baieztatu zuten Urduñan.

Maiatzaren 14tik gaur arte, ez da gaixo berririk agertu eskualdean. Izan ere, Osakidetzaren txosten aldaketaren ondotik, eri berriak dituzten udalerriak soilik aipatzen dira informeetan. Gauzak hala, maiatzaren 19 arte ez da kasurik detektatu bailaran; atzo arte.

Kasu bakarra 5 egunetan eskualdean
Osakidetzaren arabera, azken 5 egunetan Urduñakoa izan da kutsatu berri bakarra. Lehen Osakidetzak positibo guztien datuak zabaltzen zituen -gaixotasuna gaindituta egonda ere-, baina orain soilik adierazten du zeintzuk dauden benetan uneotan gaixorik.

Aiaraldea Hedabideak jakin duenez,  test serologikoa baliatuta, positibo berriak jaso dira, baina gaixotasuna gaindituta egonik ez da informazioa agertzen.

Horrelako dozenaka kasu eman ziren azken asteetan Aiaraldean, eta zenbaketa orokorrak gora egin zuen nabarmen horren ondorioz, nahiz eta identifikatzen ziren positiboak zaharrak izan. Esaterako, apirilaren 28an eta 29an 77 kasu diagnostikatu ziren, baina zaharrak izan ziren gehien-gehienak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide