Espainiako Gobernuak Goi Nerbioiko saneamendu eta garbiketa aurrera eraman izana goraipatu du PSE-EEk, uraren zikloari dagokionez eskualdearentzako “lehentasuna” zela nabarmenduta.
Berez, bi kolektore sare eta araztegi eraikiko dira horretarako. Markijanan kokatuta egongo den araztegira urak eramango dituen sarea egiteko 21.073.135,54 euro ordainduko ditu Gobernuak eta 3 urteren burua bukatu beharko dira. Amurrio eta Aiarako uren prosezua hartuko dute bere gain hor.
Horrez gain, Basaurben egongo da urak tratatzeko beste azpiegitura, Laudio eta Orozkoko beharrei aurre egiteko. 10.391.993,48 euro bideratuko ditu hara Espainiako Gobernuak eta lanek 2 urte iraungo dute.
Eusko Jaurlaritzako hauteskundeen atarian, haraneko “eskakizun historiko bat” konpondu dela adierazi du alderdiko sozialistako Arabako idazkari nagusiak, Cristina Gonzalezek, ibaiko isurketei amaiera eman zaielako.
Era berean, Nerbioi ibaiko goi arroko kolektoreen obraren proiektua behin-behinean esleitu izana ere goraipatu du Gonzalezek. “Aiara eta Arabarentzako oso berri ona da, ibai arabarren kutsadura puntu handienarekin amaitzea ekarriko baitu”, gehitu du idazkariak.
Basaurbe eta Markixanako araztegien lizitazioa “oso berri ona” dela azpimarratu du alderdiko ingurumen idazkariak, Daniel Senderosek, Nerbioiko isurketei amaiera emango zaiela eta uraren kalitatea eta bioaniztasuna handituko direla argudiatuta.