UDAKO SOLSTIZIOA

Bideoak izango dira nagusi 2020ko San Joan gauean

Izar Mendiguren Cosgaya 2020ko ekainaren 23a
Deskargatu Info Ahotsak :

Amurrioko taldeek bideoa plazaratu dute gaurko eguna "ospatzeko". / Amurrioko Udala

Amurrioko Otsemeak taldeak, Laudioko Deabruak zein Akelarre Dantza Taldeek ikus-entzunezkoak plazaratuko dituzte iluntzean. Amurrioko Udalak, berriz, zuzenean eskainiko du Youtuben emanaldia.

Berezia izango da 2020ko ekainaren 23ko gaua: Aiaraldean apenas piztuko da surik. Izan ere, koronabirusa medio bertan behera geratu dira udako solstizio jaiak. Dena den, horrek ez du eragileen ospakizunik eragotzi.

Amurrioko Udalak, esaterako, egoera normalean gaurko festan parte hartzen duten eragileekin osatutako bideoa plazaratu du "Galeria" kanalean. Bertan, Aiara Dantza taldeko kideak, Amurrioko musika eskolakoak zein Skautekoak ageri dira, besteak beste:

Laudioko Deabruak talde berriak, berriz, "Sutan murgilduta" ikuskizuna estreinatuko du gaueko 22:00etan, Youtube kanalean:

Akelarre Dantza taldeak, ordea, aurrerapena sareratu du dagoeneko:

Ez da eskualdeko dantza talde bakarra izan. Izan ere, Itxarkundia Dantza taldeak Facebook sare sozialean gogoratu du San Joan Astobitzako jaietan urtero egin ohi duen emanaldia.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide