"AIARALDEA BERRI BATERA SALTO!" MOBILIZAZIOA

Bi gazte identifikatu ditu poliziak Ernairen mobilizazioan

Mobilizazioa egin du Ernaik gaur arratsaldean Laudion, "Aiaraldea berri batera salto!" lemapean. Dozenaka lagun batu dira herriko kale nagusiak zeharkatu dituen manifestaziora. Hainbat aldarrikapen plazaratu dituzte gazteek, eta ekimena egin dute herriko apustu etxearen aurrean, besteak beste. Ertzaintza eta Udaltzaingoa bertaratu dira gero, eta mobilizazioan zeuden bi gazte identifikatu dituzte. 

Aldi baterako laneko enpresa baten bulegoen aurrean amaitu da kalejira. Bertan azaldu dituzte mobilizazioaren arrazoiak. "Aiaraldean kapitalak gogor kolpatu du langileria azken hilabeteetan. 36 langile hildira aurten lan istripuen ondorioz Euskal Herrian, horietako lau Aiaraldekoak ziren edo eskualdean lan egiten zuten", azaldu dute. Nabarmendu dutenez, eskualdean 2.737 pertsona daude langabezian, "gehienak gazteak eta emakumeak". Bestelako datuak ere jarri dituzte mahai gainean: "Vidralako buruak 390 milioi euro ditu eta Tubacexeko zuzendaritzako kideek 1,6 milioi euro jaso zuten iaz". 

Gauzak hala, egoerari buelta emateko prestutasuna erakutsi dute gazte antolakundeko kideek, eta horretan borrokan jarraituko dutela ziurtatu dute. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide