Arabako PSE-EEk gaineratu du Nerbioiko araztegiak eraikitzeko prozedurak aurrera jarraitzen duela

Nerbioiko araztegiak eraikitzeko lana ez dela eten aldarrikatu du Arabako PSE-EEk. / Aiaraldea.eus

Arabako PSE-EEk jakinarazi du COVID-19k eragindako alarma egoerak ez duela gelditu Nerbioiko araztegiak eraikitzeko egitasmoa. Sozialistek azaldu dute maiatzean berriro abiatu zutela proiektua eta lanak gauzatzeko esleipena.

Arabako PSE-EEk goraipatu nahi izan du prentsa ohar bidez alderdi sozialistaren konpromisoa Nerbioi ibaiko araztegiei dagokienez. Daniel Senderos diputatu arabarrak galdera egin zuen Kongresuan jakiteko zein den proiektu horren egoera eta positiboki baloratu dute erantzuna.

Izan ere, PSE-EEk azaldutakoagatik, Basaurbeko azpiegituraren lanak esleitzeko prozesuak aurrera egin du eta jasotako eskaintzak aztertzen ari dira, 2019ko abenduan deialdia egin eta gero.

Markixanako araztegiari dagokionez, alarma egoeraren ondorioz bertan behera geratu zen proiektuaren eta lanen exekuzioaren esleipena. Dena den, maiatzaren 25ean abiatu zuten berriro prozedura.

Azkenik, sozialistek nabarmendu dute jadanik esleitu dituztela saneamendu sareko kolektoreen obrak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide