AZKEN DATUAK

Langabeziak igotzen jarraitzen du Aiaraldean, oso leunki bada ere

Iturria: Lanbide

Laudion, Arakaldon, Amurrion, Okondon eta Orozkon igo egin da langabe kopurua. Gainontzeko herrietan, aldiz, jaitsiera txikiak jazo dira. 

Igotzen jarraitzen du langabeziak Aiaraldean, oso leunki, baina etengabe. Maiatzean 2.784 langabe erregistratu zituen Lanbidek eskualdean. Ekainean, aldiz, 2.833 ziren, 49 gehiago. Igoera, esan bezala, ez da oso handia, baina kontuan hartu behar da maiatzean konfinamendua indarrean zegoela, eta ekainean ireki zirela berriz eskualdeko saltoki eta taberna gehienak. Gauzak hala, esanguratsua da langabeziaren gorako joera mantentzea.

Hala ere, herri guztietan ez da joera hori mantendu. Laudion, Arakaldon, Amurrion, Okondon eta Orozkon igo egin da langabezia, baina eskualdeko gainontzeko herrietan txikiagotu egin da langabe kopurua.

Langabezia-tasa handiena Amurriokoa da (%17,2) eta baxuena, aldiz, Orozkokoa (%4,5). 

Hemen ikusi daiteke datuen alderaketa herriz herri: 

Langabeen ezaugarriei dagokionez, badaude herri guztietan errepikatzen diren joera batzuk: gehienak emakumeak dira, eta zerbitzu sektorean aritutakoak dira lanik gabe geratu diren arte.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide